আগন্তুক ২০২০ চনৰ বিটিএডি পৰিষদীয় নিৰ্বাচনে আসামবাসীৰ দৃষ্টি মূলতঃ বড়ো-অবড়ো যুঁজৰ ওপৰত নিবদ্ধ থাকিব ৷ ইতিমধ্যে অবড়ো পক্ষই নিজৰ ৰাজনৈতিক ৰণদূন্দুভী বজাই বড়োসকলৰ বিৰুদ্ধে যুদ্ধংদেহী ৰূপ লৈছে ৷ কংগ্ৰেছ-বিজেপিৰে মধুচন্দ্ৰিকা যাপন কৰি অহা হাগ্ৰামা এণ্ড কোম্পানী বৰ্তমান ৰস নাইকীয়া হ'ল ৷ যাৰ ফলত এতিয়া দুয়োটা ৰাষ্ট্ৰীয় দলৰে হাগ্ৰামাৰ ৰাজনৈতিক মধুচন্দ্ৰিকা অন্ত পৰিল ৷

সাংবিধানিক বিটিএডি ভংগ, অবড়ো গাঁৱ বিটিএডিৰ পৰা কৰ্তন ইত্যাদি দাবীক মুল আধাৰ হিচাপে লৈ অবড়ো সংগঠনৰ মনোনীত ৰাজনৈতিক নেতা নৱ কুমাৰ শৰণীয়াই বিগত পাঁচটা সাংসদৰ কাৰ্যকালত এটাও দাবী পূৰণ কৰিবলৈ সক্ষম নহ'লেই বৰঞ্চ তেওঁ সাংসদৰ মজিয়াটো কোনো এটা বিষয়েই সজোৰৰে উত্থাপন কৰিবলৈ সক্ষম নহ'ল ৷ ইয়াৰ পৰাই বুজা যায় যে, নৱ শৰণীয়া এতিয়া অবড়ো সংগঠন আৰু ৰাইজৰ মনোনীত নেতা হৈ থকা নাই ৷ নৱ শৰণীয়া হ'য় স্বাৰ্থবাদী নেতা, নহ'য় তেওঁ হাগ্ৰামা-চন্দ ব্ৰহ্মৰ একান্ত অনুগত নেতা ! নৱ শৰণীয়া হাগ্ৰামাৰ অনুগত এই কাৰণেই যে, নৱ শৰণীয়াই যি "বড়ো জনজাতি"ৰ প্ৰমাণ পত্ৰ লাভ কৰিছিল সেই প্ৰমাণপত্ৰ হাগ্ৰামা, চন্দন ব্ৰহ্মই কংগ্ৰেছৰে থকা মিত্ৰ শাসনৰ সময়ছোৱাত জাৰি কৰা ৷ গতিকে কোকৰাঝাৰ সমষ্টিত নৱ শৰণীয়াৰ যি ৰাজনৈতিক উত্থান তাত হাগ্ৰাম, চন্দন ব্ৰহ্মৰ পোনপতীয়া সহায়ৰ হাত আছে ৷ নৱ শৰণীয়া স্বাৰ্থবাদী এইকাৰণেই হ'ব যে, ভাৰতীয় খাদ্য নিগমৰ উত্তৰ-পূৱ সংমণ্ডলৰ কাৰ্যবাহী সদস্য ফুল চন্দ্ৰ ৰাম(পি চি ৰাম)ক অপহৰণ কৰি পাছত হত্যা কৰা অভিযোগ এতিয়াও তেওঁৰ মূৰৰ ওপৰত তৰোৱাল ওলমাদি ওলমি আছে ৷ গতিকে নৱ শৰণীয়াই প্ৰথমটো কাম নকৰিলে তেওঁ বিটিচিত ৰাজনৈতিক নেতা হোৱাৰ কোনো মূল্যই নাই ৷

বিটিএডিত বড়ো জাতিৰ বিৰুদ্ধে ঠিয় হোৱা অবড়ো সংগঠন পৰিচালনা কৰা যোগেশ কলিতাৰ পৰা ব্ৰজেন মহন্তলৈকে এই আটাইকেইটা নেতা জেনেৰেল কাষ্ট অৰ্থাৎ সামাজিক ভাৱে উচ্চ বৰ্গৰ লোক ৷ এই জেনেৰেল কাষ্টে বিটিএডিৰ অবড়ো শাৰীত থকা OBC, SC আৰু MOBC মানুহক বিভিন্ন উচতনি, নানান ভয়ৰ কাৰণ দেখুৱাই বিটিএডিত "বড়ো-অবড়ো"ৰ এক সাম্প্ৰদায়িক পৰিৱেশ ৰচনা কৰি পৰিৱেশ উত্তপ্ত কৰি বিটিএডিৰ সমগ্ৰ উন্নয়ন ব্যৱস্থাটোকে আগ ভেটা দি আছে ৷ এই উচ্চ শ্ৰেণীৰ লোকে কেতিয়াও নিবিচাৰে যে, বহু সংখ্যক অনুসূচিত জাতি-জনজাতি, পিছপৰা শ্ৰেণী আৰু সংখ্যলঘু জনতাই মুল অধিকাৰ প্ৰাপ্ত কৰক ৷ যদি উচ্চ শ্ৰেণীয়ে এই তিনিও বৰ্গৰ লোকৰ অধিকাৰখিনি সমানে প্ৰপ্ত হোৱা বিচাৰে তেন্তে তেওঁলোকে যুগ যুগ ধৰি শাসক সংখ্যালঘু, অনুসূচিত জাতি-জনজাতি, পিছপৰা শ্ৰেণীৰ শাসক হোৱাটো মিছা ৷

মন কৰিব, "হিন্দু", "অসমীয়া", "অবড়ো" ইত্যাদি শব্দৰে সমাজৰ নিম্ন বৰ্গৰ মানুহক শক্তি হিচাপে লৈ কেৱল উচ্চশ্ৰেণী(এলিট) ৰ মানুহে আসাম নতুবা ভাৰতত শাসক আৰু শোষক হৈ আহিছে ৷ এলিট বৰ্গৰ এই পৰম্পৰাটো এতিয়া বিটিএডিটো কাৰ্যক্ষম ৷ বিটিএডিৰ পৰিষদীয় শাসকৰ আসনখনত এলিট বৰ্গ নাই যদিও ইহঁতে বিটিএডিত "অবড়ো" সংগঠনৰে যোৱা এটা দশক ধৰি কেৱল বড়োজাতি বিৰুধী কামৰ নিৰন্তৰ প্ৰচাৰ কৰি আহিছে ৷ বিগত সময়ছোৱাত অবড়ো জনতাৰ হৈ মাত মাতি অহা এলিট বৰ্গৰ নেতাই বিটিএডিত বসবাস কৰা অবিচি, এছচি এমবিচি বৰ্গৰ অবড়ো জনতাৰ উন্নয়নৰ বিকল্প বিষয়টো কোনো দিনে চিন্তা নকৰিল ৷ অবড়ো সংগঠন পৰিচালনা কৰা এলিট বৰ্গৰ নেতাই ইচ্ছা কৰিলে বিটিএডিৰ বড়ো শাসক সলনি কৰি নিজৰ উন্নয়ন অনায়সে তৰান্বিত কৰিবলৈ সক্ষম হ'ল হ'য় কিন্তু তাকে নকৰি যোৱা এটা দশক ধৰি উন্নয়ন বঞ্চিত মানুহ খিনিক কেৱল বড়োজাতি বিৰুধী কামত জৰিত কৰাই ৰাখিল ৷ পিছে লাভালাভ কাৰ হ'ল ? অবড়ো এলিট নেতাৰ নে অবড়োক শক্তি যোগান ধৰা অবিচি, এমবিচি, অনুসূচিত জাতিৰ উন্নয়ন হ'ল?

Who is Bodoruddim Ajmol? প্ৰশ্ন কৰা মানুহজনক চিনি পায় নে? "মহিলা মাছ" শ্ৰষ্টাৰ দেউতাক আসামৰ শাসক থাকোতে 2012 চনত বিটিএডিত বড়ো-মুছলমানৰ ভয়ংকৰ গোষ্ঠী সংঘৰ্ষটো তেওঁ এনেই লগোৱা নাছিল ৷ বড়ো আৰু মুছলমানৰ বৰ্ধিত ৰাজনৈতিক শক্তিক কোনো কালেই একত্ৰিত হ'ব নিদিয়াৰ অন্তৰালতেই আছিল উক্ত সংঘৰ্ষ ৷ সেই সময়ত আজমল চাহাবৰ দল আৰু বড়ো ৰাজনৈতিক শক্তিয়ে একত্ৰিকৰণ হৈ আসামত আঞ্চলিক ৰাজনৈতিক শক্তি হিচাপে মুৰ দাঙি উঠিলে ভৱিষ্যতে আসামৰ এলিট শাসক বৰ্গৰ যে কোনো কাম নহ'ব সেই কথা এলিট বৰ্গই ভালকৈ বুজি উঠিছিল ৷ গতিকে বড়োভুমিৰ পটভুমিত সৃষ্টি হৈছিল এক পাহৰিব নোৱাৰা গোষ্ঠী সংঘৰ্ষৰ দানবল ৷

এলিট বৰ্গৰ ষড়যন্ত্ৰৰ পৰা এতিয়াও কিছু বড়ো, কিছু মুছলমানে মুক্ত হ'ব পৰা নাই ৷ বিশেষকৈ কট্টৰবাদী ধৰ্মীয় গোড়ামী থকা উভয় পক্ষৰ বাবেই বহুসময়ত বিটিএডিত একেঘামীয়া শাসকৰ আসন সুৰক্ষিত হৈ আছে ৷ কোৱা বাহুল্য যে, এই এলিট বৰ্গই এতিয়া বিটিএডত বড়ো-অবড়ো জাতিগত বিভাজন আনি নিজৰ মনোনিত প্ৰাৰ্থীৰে তেওঁলোকৰ স্বাৰ্থ আদায়ৰ লক্ষ্য বান্ধি লৈছে ৷

নিৰিবিছিন্ন ভাৱে অনাবড়ো অবিচি, এছচি আৰু এমবিচ বৰ্গক বড়োজাতিৰ বিৰুদ্ধে কামত লগাই অহা অবড়ো সংগঠনৰ এলিট বৰ্গৰ নেতাই ভালদৰে জানে যে, বিটিএডি পৰিষদখন ভাৰতীয় সংবিধানিক স্বীকৃতি ৷ বিটিএডি পৰিষদৰ নিৰ্মাণত ভাৰতীয় সংসদৰ দুয়ো সদনে সন্মতি জনোৱাত পৰিষদখন সংবিধানত সন্নিবিষ্ট ৷ পৰিষদখন এজন সাংসদে নতুবা এখন সদনে কেতিয়াও ভংগ কৰিব নোৱাৰে ৷ গতিকে অবড়ো সংগঠনৰ এলিট নেতাই অবিচি, এছচি আৰু এমবিচ  অনাবড়ো ৰাইজক অভুৱা ভাৰিৰে বিটিএডি ভংগ, বিটিচিৰ পৰা অনাবড়ো গাওঁ কৰ্তন ইত্যাদি বিষয় সুঁৱৰাই থকাটো একেবাৰে অমুলক আৰু ভিত্তিহীন বিষয় ৷ এই ক্ষেত্ৰত বিটিএডিৰ অবিচি, এছচি আৰু এমবিচ বৰ্গৰ জনতাই নিজেই আগন্তুক পৰিষদীয় নিৰ্বাচনত সঠিক আৰু বিটিএডিৰ জাতি বৰ্ণ ভাষা ধৰ্ম নিৰ্বিশেষে সকলোৰে উন্নয়ন আৰু বিকাশক গুৰুত্ব দিয়া পক্ষক নিৰ্বাচিত কৰিব লাগিব ৷ কাৰোবাৰ মনোনীত প্ৰাৰ্থীক জাতিগত বিভাজনৰে জয়ী কৰাই ভৱিষ্যতলৈ অঞ্চলটোত শত্ৰুতাৰ খেল খেলাটো মাৰাত্মক ভুল সিদ্ধান্ত হ'ব ৷

হাগ্ৰামা এণ্ড কোম্পানীয়ে সঁচায়ে বিটিএডিৰ উন্নয়ন আৰু বিকাশ বিচাৰে নে?

সাধাৰণ বড়ো জনতাৰ অৱস্থা নিজ চকুৰে নেদেখিলে কোনেও কল্পনা কৰিব নোৱাৰে যে সঁচাই বড়োসকলে স্বয়াত্ব শাসন পাইছে ৷ একেই অৱস্থা বিটিএডিৰ অন্যান্য জনতাৰ ৷ আসামৰ মুলসূতিৰ শাসকৰ এটা আঞ্চলিক প্ৰভেদ আছে ৷ সেয়া হ'ল উজনী আৰু নামনি ৷ এই প্ৰভেদটো স্পষ্টকৈ ধৰা পৰে স্বাধীনতাৰ পাছৰ আসাম ৰাজ্যত হোৱা মুখ্যমন্ত্ৰি, মন্ত্ৰি আৰু অন্যান্য বিষয়-বাবৰ তালিকাখন চালে ৷ আজিলৈকে নামনি আসামৰ এজনো দীৰ্ঘকালীন(পাঁচ বছৰ) মুখ্যমন্ত্ৰি হিচাপে নাম নাই ৷ প্ৰায়ভাগ উজনীৰে, যি সকলে নিজকে মুলসূতি অসমীয়া বুলি ভাৱে ৷ গতিকে আঞ্চলিক প্ৰভেদ বিটিএডি পৰিষদৰ ক্ষেত্ৰটো মুলসূতি শাসক অসমীয়াই নিৰন্তৰে কৰি আহিছে ৷ সেয়ে আজিও বিটিএডি অঞ্চলত বড়ো-অবড়ো দুয়ো জনতাৰ শোচনীয় অৱস্থা দেখিবলৈ পোৱা যায় ৷

বহুতে বড়োসকলৰ ওপৰত অভিযোগৰ আঙুলি উঠায় কয় যে, বড়োসকলে বিটিএডি পৰিষদ পোৱাৰ পাছতেই সেই অঞ্চলটোৰ অনাবড়ো সকলৰ দুখ-দুৰ্গতি কুলায়ে পাছিয়ে নধৰা হৈছে ৷ এনে ধৰণৰ জাতিবাদী অভিযোগ একেবাৰে ভিত্তিহীন ৷ ২০০৩ চনত বড়ো চুক্তি হোৱাৰ আগত এতিয়াৰ বিটিএডি অঞ্চলটো সম্পূৰ্ণভাৱে আসাম আৰু অসমীয়া শাসকৰ নিয়ন্ত্ৰণত আছিল ৷ তেতিয়া স্বয়ং অসমীয়া শাসকে অঞ্চলটোৰ অনাবড়ো ৰাইজৰ উন্নয়ণ নকৰাৰ কি কাৰণ আছিল? গতিকে এতিয়াৰ বড়ো ৰাজনৈতিক দুই এটা দলৰ বাহিৰে সমগ্ৰ বড়ো জনসাধাৰণে পৃথক ৰাজ্যৰ দাবী কৰাৰ কাৰণ এইখিনিতেই ৷ মুলসূতিৰ অসমীয়া শাসকৰ আঞ্চলিক প্ৰভেদে কেৱল বড়োসকলকে আক্ৰান্ত কৰা নাই বৰঞ্চ নামনি অসমত বসবাস কৰা তেওঁলোকৰে ভাষিক অসমীয়াৰ অংশটোকো সমানে আক্ৰান্ত কৰি আহিছে ৷ গতিকে বিটিএডিৰ অঞ্চলত অনাবড়োৰ অনুন্নয়নৰ বাবে সমগ্ৰ বড়ো জাতিৰ ওপৰত একপক্ষীয় জাতিগত অপবাদ জাপিব বিচৰাটো অতি নিন্দনীয় আৰু গৰ্হিত কাম ৷

বড়ো জাতিক জাতিগত অপবাদ জাপিব বিচৰাৰ ক্ষেত্ৰত আৰু এটা প্ৰশ্নই ভুমুকি মাৰে ৷ সেইটো হ'ল, হাগ্ৰামাই যোৱা পোন্ধৰ বছৰতকৈ অধিক সময় অসমীয়া শাসকৰ সতে একেলগে ৰাজপাট খাই আহিছে ৷ যদি বড়োসকলে বিটিএডিৰ লাভ কৰাত অনাবড়ো জনতাই দুৰ্ভোগ, জীয়াতু ভুগিছে তেন্তে হাগ্ৰামাৰ লগত একেলগে থকা অসমীয়া চৰকাৰখনে কি কৰি আছিল? বিটিএডিৰ প্ৰশাসনৰ কৰ্তৃত্ব থকা অসমীয়া প্ৰশাসন ক'লৈ গৈছিল?

অসমীয়া স্বাৰ্থবাদী অংশটোৰ বাবে যেনেকৈ বাকী অসমীয়া জনতাই দুৰ্ভোগ ভোগে ঠিক তেনেকৈ হাগ্ৰামৰ দৰে স্বাৰ্থবাদী নেতাৰ বাবেও সাধাৰণ বড়ো জনতা দুৰ্ভোগত ভুগি আহিছে ৷ যোৱা পন্ধৰবছৰীয়া শাসন কালত হাগ্ৰামাই ইচ্ছা কৰিলে বিডিএডিত কেৱল বড়োয়ে নহ'য়, অন্যান্য জাতি-গোষ্ঠীৰো অনেক বিকাশ কৰিবলৈ পাৰিল হ'য় ৷ কিন্তু নকৰিল ৷ হাগ্ৰামাই যিটো পথৰে বড়োজাতিৰ ভৱিষ্যত সুৰক্ষাৰ সংকল্প লৈ বড়োসকলৰ ভাগ্যনিয়ন্ত্ৰা হৈছিল, তেওঁ সেই বাটৰে বাট বুলিবলৈ সক্ষম নহ'য় ৷ আজিৰ দিনত বড়ো জনতাই হাগ্ৰামক একালৰ বিদ্ৰোহী নেতা বুলি সন্মান নকৰে, বৰঞ্চ তেওঁৰ কিছুমান অগণতান্ত্ৰিক, অসহনশীল কামৰ বাবে বড়ো জনতাই ভয় আৰু তিৰস্কাৰ কৰে ৷ এটা কথা লক্ষ্য কৰিব যে, জনতাই যেতিয়াই নেতাক ভয় আৰু তিৰস্কাৰ কৰিব ধৰে তেতিয়াই সেই নেতাই ক্ষমতা, শাসন, সন্মান ইত্যাদি সকলো হেৰুৱায় ৷

বহুতে কব খোজে যে, হাগ্ৰামাই বিটিএডি পৰিষদত অনেক উন্নয়ন কৰিছে ৷ কথাটো ঠিক ইয়াৰ বিপৰীত ৷ এক স্বাভাৱিক উন্নয়নৰ ধাৰোটোহে বিটিএডিত চলি আছে ৷ ইয়াতকৈ একো আগবঢ়া নাই ৷ বিটিচিৰ বাবে কেন্দ্ৰীয় চৰকাৰে ধাৰ্য কৰি দিয়া উন্নয়ন পুঁজি সময়ত অসম চৰকাৰৰ হাতৰ পৰা মোকলাবলৈ সক্ষম নোহোৱা বিটিএডিৰ মুৰব্বীৰ ওচৰত উন্নয়নৰ কি কৰ্তৃত্ব থাকিব পাৰে? যোৱা পোন্ধৰ বছৰত তেওঁ নিজে শাসন কৰা বিটিএডি পৰিষদক ভাৰতীয় সংবিধানৰ Six schedule ত full implementation কৰাব নোৱাৰিল ৷ যাৰ ফলত পৰিষদখন অসম চৰকাৰৰ হাতৰ পুতলা হৈ থাকিল ৷ এতিয়া কথা হ'ল, বিটিএডিৰ পৰিষদৰ ৰাজনীতি বৰ্তি থাকিবলৈ হিন্দু-মুছলমান, বড়ো-মুছলমান, বড়ো-অনাবড়ো একোয়েই মেজৰ ইচ্ছু নাই ৷ আছে যদি কেৱল উন্নয়নৰ ৰাজনীতি বৰ্তি আছে ৷ গতিকে বিটিএডিক অনুন্নত অৱস্থাতে ৰাখি বিটিএডিবাসীক উন্নয়নৰ সপোন দেখুৱাই শাসন লবলৈ দ্বিতীয় বিকল্প আৰু একো নাই ৷ জনতাক সপোন দেখুওৱাত হাগ্ৰামা মাষ্টাৰ ৷ ভদ্ৰ ভাষাত কবলৈ হ'লে হাগ্ৰামা এজন "গুড পলিটিচিয়ান" ৷

বিজেপিক কিয় বিটিএডি দখলৰ প্ৰয়োজন?

শূলৰে শূল কাঢ়িব পাৰি ৷ এই আৰ্হি হাগ্ৰামাৰে মধুচন্দ্ৰিকাৰ সোৱাদ এৰি বিজেপিয়ে হাগ্ৰামক নিজৰ মাটিতে এহেকা ভালকৈয়ে দিবলৈ যৱতীয় সকলো প্ৰস্তুতি পূৰ্ণ কৰি তুলিছে ৷ হাগ্ৰামাই ভাৱিছিল, বিজেপিৰে মিত্ৰতা থকাত বিটিএডিত তেওঁৰ শাসনৰ বজাৰখন সুৰক্ষিত থাকিব ৷ কিন্তু বিজেপিয়ে বিটিএডি পৰিষদত একক ৰূপত অৱৰ্তীণ হোৱাৰ কথা ঘোষণা কৰাৰ লগেই লগেই তেওঁৰ ভৰিৰ তলৰ মাটি কঁপিব ধৰিছে ৷

পৰিষদিয় নিৰ্বাচনত বিজেপিয়ে নিজৰ মনোনিত জনজাতি প্ৰাৰ্থী প্ৰতিদ্বন্দিতাৰ বাবে আগবঢ়াই দিব ৷ কাৰণ পৰিষদৰ ৪০ খন আসনৰ ভিতৰত ৩৫ খন আসনেই জনজাতিৰ নামত সংৰক্ষিত ৷ তেনে ক্ষেত্ৰত জনজাতিৰ সংৰক্ষিত আসনত বিজেপিৰ ফালৰ পৰা বড়োৰ বাহিৰে অন্য জনজাতি প্ৰাৰ্থীক নিক্ষেপ কৰাটো খাটাং ৷ যেতিয়াই জনজাতীয় সমষ্টিত বড়ো প্ৰাৰ্থীৰ বাহিৰে অধিকাংশ সমষ্টিত অন্য জনজাতি প্ৰৰ্থী ঠিয় কৰোৱাব তেতিয়াই বিডিএডিত বসবাস কৰা জনজাতি সকলৰ মাজত এক অন্য আভ্যান্তৰিণ জনজাতি সংঘাতে মুৰ ডাঙি উঠিব ৷ বিজেপিৰ বিটিচি দখলৰ প্ৰাৰম্ভিক মুল লক্ষ্য এইটোয়েই ৷

"বড়োসকলে সশস্ত্ৰ আন্দোলন কৰি বিটিএডি লাভ কৰাৰ পাছত কেৱল বড়োসকলেই যে জনজাতিৰ নামত বিটিএডিৰ শাসন নিয়ন্ত্ৰণ বছৰৰ পাছত বছৰ ধৰি চলাই থাকিব তেনে কি কথা আছে ?" --- জনজাতিৰ মাজত এই ফৰ্মূলাটোয়েই এতিয়া বিজেপিৰ কাৰণে আটাইতকৈ উত্তম পন্থা ৷ যিটো পন্থাই জনজাতি সকলৰ মাজত আভ্যান্তৰিণ আৰু পাৰস্পৰিক সংঘাতৰ উকমুকনিক অধিক মজবুট কৰিব ৷ বিজেপিৰ আজিৰ এই আগ্ৰাসনক হাগ্ৰামাই এটা সময়ত কংগ্ৰেছ চৰকাৰৰ লগত মিত্ৰতা থকা সময়তে শৰণীয়া, মদাহী প্ৰভৃতি মানুহৰ ক্ষুদ্ৰ সমষ্টিক আসামৰ "অতিথি জনজাতিকৰণ"ৰে অদূৰদৰ্শী ৰাজনৈতিক সিদ্ধান্ত লৈ আজিৰ বিজেপিৰ বাবে বিটিএডিৰ দুৱাৰ খুলি দিয়াৰ লগতে বিজেপিয়ে কৰিব বিচৰা সাম্ভাব্য জনজাতীয় অভ্যান্তৰিণ সংঘতক হাত বাউলী দি মাতিছিল ৷

বিজেপিয়ে এই কথা ভালকৈয়ে বুজি পায় যে, হাগ্ৰামাই কেৱল বড়ো ভোটাৰৰে বিটিএডি দখল কৰিব নোৱাৰে ৷ আইন প্ৰণয়ণৰ কৰ্তৃত্ব নথকা হাগ্ৰামাই অবৈধ লোকক খেদাবও নোৱাৰে ৷ গতিকে তেওঁৰ ভোটৰ সমল হিচাপে বিডিএডিত আইনগত তথা অ-সংবিধানিক ভাৱে থকা অবৈধ লোকসকলেই একমাত্ৰ ভৰসা ৷ গতিকে হাগ্ৰামাই এই মানুহখিনিক হ'য় টকা নতুবা অন্য উপায়ৰে নিজৰ পক্ষত ভোট আদায় কৰিবলৈ সক্ষম হ'য় ৷

সকলো ফৰমূলা সকলো সময়তে কামত নিদিয়ে ৷ গতিকে হাগ্ৰামাৰ ওচৰত নতুন উপায় নোহোৱা হৈছে ৷ নৱ শৰণীয়াই বিটিএডি পৰিষদৰ ৩৫ খন আসন দখল কৰা কথা ঘনে প্ৰতি সংবাদ মাধ্যমৰ আগত প্ৰকাশ কৰি আহিছে ৷ তেওঁৰ এই দাবীক ঘপকৈ অমুলক নোহোৱাৰ কথা উলায় কৰিব নোৱাৰি ৷ বিজেপিয়ে পৰিক্ষামুলক ভাৱে বিটিএডি দখল কৰিব বিচৰাটো সম্ভৱ নহ'লে বিজেপিৰ "B" ফৰ্মূলা হিচাপে নৱ শৰণীয়াৰ টিমে কাম কৰিব ৷ বিজেপিয়ে যি ধৰণৰ সংৰক্ষিত সমষ্টিত জনজাতীয় প্ৰাৰ্থী আগবঢ়াব ঠিক তেনেকৈয়ে নৱ শৰণীয়াৰ অবড়ো সংগঠনেও একেই ফৰ্মূলা প্ৰয়োগ কৰিব ৷ কাৰণ এটা সংৰক্ষিত সমষ্টিত প্ৰাৰ্থীৰ ভাগ্যনিয়ন্ত্ৰা হিচাপে ৭০% অবড়ো জনতা থাকিলেও তেওঁলোকে যিকোনো এটা জনজাতিৰ প্ৰাৰ্থীক নিৰ্বাচিত কৰিব লাগিব ৷ সি লাগিলে বড়োয়েই হওঁক নতুবা ৰাভা বা অন্য ৷ গতিকে বিজেপিৰ যি অনাবড়ো জনজাতি প্ৰাৰ্থী হ'ব, অবড়ো সংগঠনৰ প্ৰাৰ্থীও একে হ'ব ৷ অৰ্থাৎ ইয়াত এলিট বৰ্গই এটা ফৰ্মূলাকে দুটা পৃথক পৃষ্ঠভুমিৰে আগুৱাই লৈ যাব বিচাৰিছে ৷

বিজেপিক সহায় কৰিবলৈ বিটিএডিৰ বিভিন্ন নৃগোষ্ঠী লোক আগবাঢ়ি আহাটো প্ৰায় খাটাং হৈ পৰিছে ৷ অনাবড়োৰ এটা অংশই "হিন্দুত্ব" কাৰণে হওঁক বা নহওঁক বড়োভুমিত বড়োসকলৰ একচেতীয়া ৰাজনৈতিক শক্তিক প্ৰতিহত কৰিবলৈ বিশেষকৈ নেপালী সম্প্ৰদায়, বঙালী, ৰাজবংশী, চাওতালী, নাথ-যোগী, কলিতা সকল বিজেপি-আৰএছএছৰ পক্ষত চামিল হোৱাটো প্ৰায় নিশ্চিত ৷ এই সম্প্ৰদায় কেইটাই পৰিষদীয় নিৰ্বাচনত বিজেপিৰ দ্বাৰা মনোনিত অনাবড়ো জনজাতি প্ৰাৰ্থীক ভোটত জয়ী কৰোৱাটো প্ৰায় নিশ্চিত হৈছে ৷

বড়োভুমিত জনজাতিসকলৰ মাজত পাৰস্পৰিক আৰু অভ্যান্তৰিণ সংঘাতৰ অন্য এক ইতিহাস সৃষ্টিৰে বড়োসকলৰ আত্মঅধিকাৰ সংগ্ৰামক প্ৰতিহত কৰি অসমীয়াৰ জাত্যভিমানৰ তলত অৱদমন কৰি ৰখাই হ'ল বিজেপিৰ লগতে অবড়ো সংগঠনৰ নেতৃত্ব দিয়া এলিট বৰ্গৰ মূল উদ্দেশ্য ৷ বড়োভুমিত অসাংবিধানিক উপয়েৰে সৃষ্টি "বড়ো-অবডো়" জাতিগত সংঘাতৰ ধাৰাটো ধাৰাবাহিক ভাৱে চলি থাকিব ৷ সেয়ে বিজেপি আৰু অবড়ো সংগঠনৰ পথ ভিন্ন হলেও লক্ষ্য একেটাই ৷

নৱ শৰণীয়াৰ বড়োজাতি বিৰুধী স্থিতিয়ে তিনিটা পক্ষক লাভাম্বিত কৰিছে…

বিটিএডিৰ ৰাজনৈতিক দৃশ্যপদক যদি ভালকৈ পৰ্যৱেষণ কৰা হ'য় তেন্তে নৱ শৰণীয়াই দুটা এংগলৰ পৰা নিজৰ ৰাজনৈতিক কেৰিয়াৰ আগবঢ়াই নিছে ৷ এক তেওঁ ভিতৰি হাগ্ৰামা-চন্দনৰ হৈ কৰা কাম কৰে য'ত হাগ্ৰামক ভাল নোপোৱা পক্ষটোৰ ওচৰত নৱ শৰণীয়াই জাতীয় অস্তিত্বৰ এটা ভয়-ভীতৃ সৃষ্টি কৰে আৰু দ্বিতীয়, নৱ শৰণীয়াই নিজৰ পূৰ্বৰ অপৰাধমুলক গোচৰৰ পৰা সাত সাৰি জীৱনৰ বাকী সময়চোৱা মহা আড়ম্বৰে পাৰ কৰিবলৈ ৰাজনৈতিক ক্ষমতা "বড়ো বিৰুধীতা'ৰে হাচিল কৰা ৷ এই কথাটো নৱ শৰণীয়াইও ভালদৰে জানে যে, বিটিএডিত তেওঁৰ যিটো ৩০ঃ৭০ ফৰ্মুলা সেই ফৰ্মুলাই তেওঁৰ দৰে স্বয়ং "অতিথি জনজাতি"য়ে কেতিয়াও তিষ্টি থাকিব নোৱাৰে ৷ ধৰা হ'ল বিটিএডিৰ পৰা জনজাতিৰ সংৰক্ষিত কোটা আতৰাই দিয়া হ'ল ৷ তেতিয়া অনা-বড়োসকলৰ বাবে জনজাতি নৱ শৰণীয়াৰ কিবা মূল্য থাকিবনে? নিশ্চয় নাথাকে ৷ গতিকে নৱ শৰণীয়াই সোণালী সুযোগ লৈ অবড়ো মানুহক বড়োসকলৰ বিৰুদ্ধে সংগঠিত কৰি নিজৰ ক্ষমতা বৃদ্ধি কৰি তুলিছে ৷

প্ৰথম, নৱ শৰণীয়াই যেতিয়াই বড়োজাতি বিৰুধী স্থিতি লৈছে সেই তেতিয়াৰ পৰাই বড়ো জাতীয়তাবাদী পন্থাটোৰ একাংশই জাতিগত দৃষ্টিভংগীত হাগ্ৰামা মহিলাৰীকে উপায়বিহীন হৈ সমৰ্থন কৰিছে ৷ ইয়াত হাগ্ৰামা যিমানে দুৰ্নীপৰায়ণ নহওঁক কিয় ৷  দ্বিতীয়তে, নৱ শৰণীয়াই নিজৰ স্বাৰ্থ লাভত সফল হৈছে ৷ তেওঁ পোনচাতেই অনাবড়ো মানুহৰ বড়ো জাতি বিৰুধী আৱেগক প্ৰথান অস্ত্ৰ হিচাপে নিজৰ লাভৰ স্বাৰ্থত প্ৰয়োগ কৰিছে ৷ অবড়ো জনতাৰ ভোটাৰে সাংসদ হোৱা শৰণীয়াই নিজৰ ওপৰত থকা দণ্ডবিধি অপৰাধৰ পৰা অনায়সে সাতসাৰি ৰৈছে ৷ তৃতীয়তে, নৱ শৰণীয়াক সেনাপতিৰ আসনত বহুৱাই অনাবড়ো অবিচি, এছচি আৰু এমবিচি মানুহক শক্তিক সংগঠিত কৰি অবড়ো সংগঠনৰ এলিট মহন্ত, কলিতা বৰ্গই নিজৰ জাতীয়তাবাদী সত্বাৰে জাত্যভিমানী অহংকাৰৰ যুদ্ধখন বড়ো জাতিৰ বিৰুদ্ধে আগুৱাই লৈ যোৱাত সক্ষম হৈছে ৷ ইয়াত লাভালাভৰ পৰা বঞ্চিত হোৱাসকলেই হ'ল অনাবড়ো অবিচি, এছচি আৰু এমবিচিৰ লোকসকল ৷ এই লোকসকলে নিজৰ লোকচানৰে তিনিওটা পক্ষৰ প্ৰতিয়ে অজ্ঞতাৰে অৰিহনা আগবঢ়াই আহিছে ৷

বড়ো আৰু অনাবড়োৰ OBC, SC আৰু MOBC জনতাই বিটিএডিৰ শাসকক নিজৰ মুঠিত আবদ্ধ কৰি ভাগ্যক উজ্বলাই তুলিবলৈ সক্ষম হ'ব যদিহে ওপৰৰ তিনিও পক্ষক এক হৈ প্ৰতিহত কৰে ৷ প্ৰথমতেই  বিজেপি-আৰএছএছৰ সাম্প্ৰদায়িক ষড়যন্ত্ৰ, দ্বিতীয়তে হাগ্ৰামাৰ অবাধ লুন্থনৰাজ আৰু তৃতীয়তে এলিট (মহন্ত, কলিতা) বৰ্গৰ জাতিগত বিদ্বষ, সাম্প্ৰদায়িক বিভেদ "বড়ো-অনাবড়ো" ৰাজনীতি ইত্যাদি ত্যাগ কৰিব লাগিব ৷

শেষত, অনাবড়ো সকলৰ OBC, SC আৰু MOBC অংশটোয়ে বড়োসকলৰ প্ৰগতিবাদী, উন্নয়নবাদী, শান্তি আৰু সম্প্ৰতি বিচৰা অংশটোৰ লগ লাগি মিলিজুলি বিটিএডিৰ প্ৰগতি আৰু বিকাশৰ বাবে আগবাঢ়ি আহিব লাগিব ৷ সেইদৰে বড়োসকলেও একে লক্ষ্যৰে বিটিএডিৰ অনাবড়ো সকলৰ OBC, SC আৰু MOBC অংশটোক নিজৰ আপোন কৰি তেওঁলোকৰ সম-উন্নয়নৰ প্ৰতিটো দিশত গুৰুত্ব দিব লাগিব ৷ এটা কথা মনত ৰাখিব যে, য'ত সামগ্ৰিক উন্নয়ন সম্ভৱ সেই ঠাইত জাতিবাদ চলাটো কেতিয়াও সম্ভৱ নহ'য় ৷


সকলোয়ে জানে যে, আসামত ভাষিক অসমীয়া সকল Native(ভুমিপুত্ৰ) নহ'য় ৷ ৮০ দশকত ভাষিক অসমীয়াই নিজৰ "ৰক্ষাকবচ" বিচাৰি অসম চুক্তিৰে ৰাষ্ট্ৰীয় নাগৰিকপঞ্জী উন্নিতকৰণ বিচাৰিছিল আৰু তাৰ ফলশ্ৰুতিতেই বৰ্তমানৰ আসামত ৰাষ্ট্ৰীয় নাগৰিকপঞ্জীৰ কাম ক্ষিপ্ৰ গতিত চলি আছে ৷ আসামত এনআৰচি বিচৰা মানুহখিনিয়েই হ'ল বহিৰাগত তথা প্ৰৱজনকাৰী ভাষিক অসমীয়া ৷ এই ভাষিক শ্ৰেণীটো ঐতিহাসিক আৰু ইতিহাসৰ ফালৰ পৰা কোনো দিনে শুদ্ধ আসামৰ বাসিন্দা নহ'য়, তেওঁলোকে আজিলৈ আসামৰ স্বাৰ্থত কোনো দিনে কামও কৰা নাই ৷ কিঞ্চিত কাম কৰিছে যদি সেয়া আসামক কেৱল শাসন আৰু শোষণ কৰি নিজৰ তথাকথিত ভাষা, বংশ আৰু প্ৰজাতি সুৰক্ষাৰ বন্দবস্ত কৰাত ব্যস্ত ৷

এনআৰচি উন্নিতকৰণ ফলত বহিৰাগত শ্ৰেণীটোৰ বাবে অৱশ্যেই "ৰক্ষাকবচ" তৈয়াৰ হ'ব ৷ কিন্তু এই এনআৰচিৰ পৰাই আসামৰ প্ৰকৃত Native সকলৰ অস্তিত্বলৈ ভয়ংকৰ শংকা অহাটো নিশ্চিত ৷

এনআৰচিৰ দ্বাৰা আসামৰ ভুমিপুত্ৰ সকললৈ কেনেকৈ অস্তিত্বৰ সংকট আহিব এই প্ৰশ্নৰ গুৰিতেই অনেক কথা লুকাই আছে ৷ ইয়াৰ বাবে অলপ বিশ্লেষণৰ প্ৰয়োজন হ'ব… 

এনআৰচিৰ সংজ্ঞা হ'ল অসম চুক্তিৰ ৬ নং দফা ৷ এই দফাত "অসমীয়া" শব্দৰে আসামত থকা বহিৰাগত ভাষিক শ্ৰেণীটো(কৃত্ৰিম অসমীয়া)ক সাঙুৰি লোৱা হৈছে ৷ আসামত বৰ্তমান বহিৰাগত ভাষিক শ্ৰেণীটোৰ শাসন ৷ এই শ্ৰেণীটোৰ বাহিৰে আসামত প্ৰকৃত বাসিন্দাই আজিলৈ আসামক শাসন কৰা নজিৰ নাই ৷ গতিকে প্ৰকৃত বাসিন্দা(জনজাতি) সকলে নিজৰ সুৰক্ষাৰ কাৰণে আইন-কানুনৰ বন্দবস্ত কেতিয়াও কৰিব নোৱাৰে ৷ গতিকে জনজাতিসকলে সকলো ভাষিক অসমীয়াৰ ওপৰত নিৰ্ভৰ কৰিব লগা হ'য় ৷ আসামৰ বাঘজৰী শাসক অসমীয়াৰ ওচৰত থকা কাৰণে সকলো আইনী, কানুনী ব্যৱস্থা তেওঁলোকৰ অনুকুল ৷ ইয়াত জনজাতিসকলৰ নিজা অস্তিত্বটো কেৱল অনুগ্ৰহ ৷

আসামত মুল নেটিভ সকলে নিজকে কেতিয়াও "অসমীয়া" হিচাপে মানি লোৱা নাই আৰু নিজৰ জাতিসত্বা বিসাৰ্জন দি কোনো নেটিভে অন্য পৰিচয় পৰিগ্ৰহণ কৰিব নোৱাৰে ৷ চুক্তিখনৰ ৬ নং দফাই আসামৰ নেটিভ সকলক সাঙুৰি লোৱা নাই আৰু সাঙুৰিবও নোৱাৰে ৷

আসামত পূৰ্ৱে প্ৰৱজিত বহু পূৰ্ববংগীয় অৰ্থাৎ বাংলাদেশী ধৰ্মীয় সম্প্ৰদায়ক এনআৰচিয়ে শীঘ্ৰে বিদেশী তালিকাভুক্ত কৰিব ৷ বিদেশী তালিকাভুক্ত হোৱা মানুহখিনিক ভাৰত চৰকাৰে অস্থায়ী এক্সচন হিচাপে ডিটেঞ্চন কেম্পত ৰখাৰ বন্দবস্ত কৰিব ৷ কিন্তু বিদেশী ঘোষিত হোৱা লোকসকলক ভাৰতৰ পৰা আঁতৰাই পঠিয়াবলৈ চৰকাৰৰ ওচৰত তেনে কোনো নিদিষ্ট আৰু স্পষ্ট পৰিকল্পনা নাই ৷ শাসক ভাষিক শ্ৰেণীটোয়ে আসামত নিজৰ ৰক্ষাকৱচ বিচাৰি নিজৰে অসুৰক্ষিত খুঁট ৰাখি ডাঙৰ ব্লাইণ্ডাৰ কৰাৰ কোনো কাৰণেই নাই ৷ সেয়ে তেওঁলোকৰ "ব্লাইণ্ডাৰ"ত এনআৰচিৰ দ্বাৰা বিদেশী ঘোষিত হ'ব লগা মানুহখিনিক এক নিদিষ্ট পৰিকল্পনাৰে আসামৰ পৰা বাহিৰ নকৰি আসামৰ ভিতৰতে ৰাখিব ৷ তাকো জনজাতিৰ মাজত ৷

এনআৰচিৰ দ্বাৰা বিদেশী ঘোষিত লোকসকল প্ৰকৃততে বাংলাদেশী হ'য় নে নহ'য়, নতুবা ধৰ্মীয় প্ৰৱজনকাৰী হিচাপে বাংলাদেশৰ পৰা আহিছে নে নাই ইত্যাদি কোনো তথ্যয়েই চৰকাৰ কিম্বা প্ৰশাসনৰ ওচৰত নাই ৷ তেনে ক্ষেত্ৰত চৰকাৰ আৰু প্ৰশাসনে বিদেশী ঘোষিত লোকক আনুষ্ঠানিক ভাৱে বাংলাদেশক চমজাই দিব আৰু বাংলাদেশেও আনুষ্ঠানিক ভাৱে তেওঁলোকৰ দেশৰ নাগৰিক ভাৰতত অবৈধ ভাৱে প্ৰৱেশ কৰা বুলি মানি লৈ আকোৱালি লব সেইটো মুঠেও সম্ভৱ নহ'য় ৷ ইতিমধ্যে বাংলাদেশেও ভাৰতত বিদেশী ঘোষিত লোকক আকোৱালি লোৱাৰ ক্ষেত্ৰত ভাৰত চৰকাৰৰ সৈতে কোনো আনুষ্ঠানিক চুক্তি হোৱা নাই বুলি ঘোষণা কৰিছে ৷ কোনো চুক্তি অবিহনে অন্য ৰাষ্ট্ৰত বিদেশী হোৱা লোকক কি যুক্তিত অন্য ৰাষ্ট্ৰই তেওঁলোকক আকোৱালি লব? সম্ভৱবেই নহ'য় ৷

বিদেশী ঘোষিত লোকসকলক চৰকাৰে কাৰাগাৰতো ৰাখিব নোৱাৰিব ৷ চৰকাৰে তেওঁলোকক ডিটেঞ্চন কেম্পটো ৰাখিব নোৱাৰিব ৷ ৰাজ্যবাসীক দেখুৱাই দুই এজনক ডিটেঞ্চন কেম্পত ৰাখিব যদিও লাখ লাখ লোকক ডিটেঞ্চন কেম্পত ৰখাৰ লগে লগেই বিষয়টো আন্তঃৰাষ্ট্ৰীয় ইচ্ছু হৈ পৰিব আৰু তাৰ বাবে কেন্দ্ৰীয়-ৰাজ্য উভয় চৰকাৰ অৰ্থাৎ ভাৰতৰ বিপক্ষে আন্তঃৰাষ্ট্ৰীয় মানৱ অধিকাৰ ভংগৰ অভিযোগ উঠাৰ ভয়ত বিদেশী লোকসকলক নিজৰ ঠাইতে ৰাখিবলৈ চৰকাৰ বাধ্য হ'ব ৷ যেতিয়া চৰকাৰে বিদেশী লোকক নিজৰ ঠাইতে ৰাখিবলৈ বাধ্য হ'ব তেতিয়া বিদেশী ধৰ্মীয় সম্প্ৰদায় মানুহখিনিক "অস্থায়ী নাগৰিক" হিচাপে মানি লৈ ভাষিক অসমীয়া জনসমষ্টিৰ পৰা দূৰত অৰ্থাৎত জনজাতি সকলৰ জনসমষ্টিতৰ ওচৰে পাজৰে সংস্থাপিত কৰিব ৷ এনআৰচিৰ উদেশ্যই এইটো ৷

যি সকল ধৰ্মীয় সম্প্ৰদায় ভাৰতৰ মাটিত বিদেশী ঘোষিত হ'ব তেওঁলোক ভয়ে-সন্ত্ৰাসৰে থাকিব লাগিব ৷ এটুকুৰা ঠাইৰ বাবে, এমুঠি ভাতৰ বাবে, এসাজ কাপোৰৰ পাবৰ বাবে শাসক শ্ৰেণীয়ে যিটো ক'ব, কৰিবলৈ কব তেওঁলোকে সেইটোকে বিনা দ্বিধাই, বিনা চিন্তাৰে কৰিবলৈ বাধ্য হ'ব ৷ এক প্ৰকাৰ বিদেশী ধৰ্মীয় সম্প্ৰদায়ৰ লোকসকলক আসামৰ ভাষিক অসমীয়া শ্ৰেণীয়ে "মানৱ অস্ত্ৰ" হিচাপে ব্যৱহাৰ কৰিব ৷ শাসক অসমীয়াই তেওঁলোকক ৰাজনৈতিক ক্ষেত্ৰখনত নিজৰ ইপ্সিত লক্ষ্য প্ৰপ্তিৰ বাবে ব্যৱহাৰ কৰিব আৰু শাসক অসমীয়াৰ প্ৰথম ইপ্সিত লক্ষ্যটোয়েই হ'ল জনজাতিসকলৰ মাজৰ পৰা মুৰ দাঙি উঠা সুকীয়া আত্মপৰিচয়ক সমুলি ধ্বংস কৰা ৷

আসামৰ জনজাতিসকলৰ সুকীয়া আত্মপৰিচয়ৰ দাবীক শাসক অসমীয়াই আইনী-কানুনী ব্যৱস্থাৰে বাধা প্ৰদান কৰিব নোৱাৰে যিহেতু অসমীয়াই নিজৰ ৰাজনৈতিক ক্ষেত্ৰখনত, এনআৰচিত জন্ম হোৱা বিদেশী ধৰ্মীয় সম্প্ৰদায়ক "মানৱ অস্ত্ৰ" হিচাপে জনজাতিৰ আত্মপৰিচয়ৰ ওপৰত প্ৰয়োগ কৰিব ৷ এনআৰচিত জন্ম হোৱা "বিদেশী"ক জনজাতিসকলৰ ভুমি, সমাজ, সংস্কৃতি, পৰম্পৰাৰ মাজলৈ ঠেলি পঠিওৱাব ৷ জনজাতিৰ সংঘবদ্ধ ভৌগলিক জনসমষ্টি সমূহত এনআৰচিৰে চিনাক্ত বিদেশীক সংস্থাপনৰে জনজাতিৰ ৰাজনৈতিক, অৰ্থনৈতিক, সামাজিক আৰু সাংস্কৃতিক শক্তিক ভাঙি তচনচ কৰিব ৷ এনেও জনজাতিসকল নিজু আৰু সহনশীল ৷ গতিকে শাসক অসমীয়াই ইয়াৰ ভৰপুৰ লাভ উঠাব ৷ মুল কথাটো হ'ল, শাসক অসমীয়াই জনজাতিসকলৰ ৰাজনৈতিক ভূগোলৰ সমীকৰণ ওলট-পালট কৰি জনজাতীয় আত্মপৰিচয়ৰ বিষয়টো নিজৰ নিয়ন্ত্ৰণত আনিব ৷ অৱশ্যেই এই কাম ইতিমধ্যে শাসক অসমীয়াই বহুলাংখে কৰিছে যদিও এতিয়ালৈকে গূঁণা ম'হৰ নাকত নাকী লগোৱা হোৱা নাই যিটো এনআৰচিৰে নাকী লগোৱাৰ ব্যৱস্থা কৰা হৈছে ৷ অৰ্থাৎ এটা ডাঙৰ শক্তিক শাসক অসমীয়াই জনজাতিৰ বিৰুদ্ধে পৰিচালনা কৰিব ৷

গণতন্ত্ৰত সংখ্যই ডাঙৰ ৷ কিন্তু এই সংখ্যাটোক নিয়ন্ত্ৰণ কৰিব লাগিব, তেতিয়াহে উদেশ্য সফল হ'ব ৷ উদেশ্য সফলৰ বাবেই এনআৰচি ৷ ধৰা হ'ল, কোকৰাঝাৰৰ কোনবা এটা পৰিষদ সংৰক্ষিত হিচাপে চিহ্নিত আৰু পৰিষদটোৰ প্ৰাৰ্থীগৰাকী জনজাতীয় মানুহৰ বাবে নিদিষ্ট ৷ দেশৰ ব্যৱস্থাটো গণতন্ত্ৰ হোৱা বাবে প্ৰাৰ্থী নিৰ্বাচন কৰা কৰ্তৃত্ব কেৱল জনতাৰ হাতত থাকে ৷ সেয়ে জনজাতিৰ বাবে সংৰক্ষিত পৰিষদ হোৱাৰ পাছতো পৰিষদটোত ৭০ শতাংশ অ-জনজাতি মানুহে পৰিষদৰ সংৰক্ষণটো মুকলি কৰিবলৈ গণদাবী উত্থাপন কৰিব ৷ ৭০ শতাংশ মানুহৰ দাবীটো অ-সাংবিধানিক যদিও ৭০ শতাংশ মানুহেই প্ৰাৰ্থী গৰাকীৰ ভৱিষ্যত নিৰ্ণয় কৰিব ৷ অৰ্থাৎ সমগ্ৰ পৰিষদটোকে ৭০ শতাংশই নিজৰ নিয়ন্ত্ৰণত নিবলৈ সক্ষম ৷

এটা সংৰক্ষিত পৰিষদক সংৰক্ষণ মুকলি কৰিবলৈ গণদাবী উত্থাপন কৰা ৭০% মানুহ হৰ্ঠাৎ বাঢ়িল কেনেকৈ? পৰিষদত একালত জনজাতি মানুহৰ সংখ্যা ৬০% তকৈও অধিক থকাত(জনজাতীয় মানুহৰ প্ৰতি অন্য উচ্চ বৰ্ণ মানুহে কৰা সামাজিক ভেদাভেদ, বৰ্ণ ব্যৱস্থা ইত্যাদিৰ বাবে সংৰক্ষণ প্ৰযোজ্য হ'য়) পৰিষদৰ এলেকাত এতিয়ালৈকে ৭০% তকৈ অধিক লোক হ'ব লাগিছিল ৷ কিন্তু তেনে নহৈ জনজাতীয় মানুহৰ সংখ্যা ৬০% ৰ পৰা কমি ৩০% হোৱা আৰু অ-জনজাতি মানুহ ৩০% ৰ পৰা বাঢ়ি গৈ ৭০% হোৱাৰ ৰহস্য কি ? সংৰক্ষিত এলেকাত অ-জনজাতীয় মানুহৰ সংখ্যা ৩০ ৰ পৰা ৭০% বাঢ়ি যোৱাৰ মাজৰ ৪০-৫০ শতাংশটোয়ে হ'ল শাসক অসমীয়া শ্ৰেণীয়ে জনজাতিৰ মানুহৰ ৰাজনৈতিক ভূগোল সলনি কৰা ষড়যন্ত্ৰ ৷ এই ষড়যন্ত্ৰত অনিয়ন্ত্ৰিত ধৰ্মীয় সম্প্ৰদায়ক এক নিয়ন্ত্ৰণত "মানৱ অস্ত্ৰ" হিচাপে পৰিচালিত কৰি জনজাতিৰ আত্মপৰিচয়ক দমন আৰু শাসন কৰিবলৈ ইতিমধ্যে এনআৰচিৰ কাম পূৰ্ণগতিত চলাব ধৰিছে ৷

আসামৰ কোন Native জনজাতিয়ে ইজৰাইলীৰ দৰে নিজ জাতিক মনে-প্ৰাণে ভাল পায় নতুবা সংঘবদ্ধ হৈ জাতিৰ হৈ কাম কৰে? জনজাতিসকলে নিজৰ বাবে আইন-কানুন ব্যৱস্থা কৰিবলৈ তেওঁলোকৰ হাতত পৰ্যাপ্ত আইনী ক্ষমতাও নাই ৷ সংবিধানৰ পঞ্চম-ষষ্ঠ অনুসূচী কাৰ্যকৰী কৰাৰ অনুগ্ৰহও শাসক অসমীয়াৰ হাতত ৷ গতিকে এনআৰচিৰ দ্বাৰা ভাষিক অসমীয়া শ্ৰেণীয়ে পশুপাত অস্ত্ৰ লাভ কৰিলেও আসামৰ নেটিভ জনজাতিৰ বাবে এনআৰচি এক ডাঙৰ অভিশাপ ৷ এই অভিশাপত প্ৰথমেই বড়োসকল আক্ৰান্ত হৈ ধ্বংস জাতিলৈ পৰিণত হ'ব ৷

"The Assamese, both caste Hindu and Muslims, professed solicitude for the tribes, but neither had troubled to study the question, nor had any real sympathy for the tribes." -- এণ্ডু ক্ল', অসম বৃটিছ গভৰ্ণৰ ৷

প্ৰৱজিত অসমীয়াৰ চৰিত্ৰ বৃটিছ অসম গভৰ্ণৰেই সুন্দৰকৈ কৈ গৈছে ৷ অসমীয়াৰ জনজাতি বিদ্বেষী চৰিত্ৰ সেই তেতিয়াৰ দিনৰে ৷ বৃটিছ আমূলতে অসমীয়া জাত্যভিমানী জাতীয়তাবাদী সমাজ প্ৰতিষ্ঠা হ'য় ৷ জাত্যভিমানী জাতীয়তাবাদক জন্মতেই আসমাৰ জনজাতি বিৰুধ ৰূপ দিছিল আনন্দৰাম ঢেকীয়াল ফুকনে ৷ এইজনেই আছিল আসামত প্ৰৱজিত ভাষিক অসমীয়াৰ জাত্যভিমানী জাতীয়তাবাদৰ জনক ৷ বৃটিছৰ দিনতে জাতীয়তাবাদক প্ৰধান আধাৰ হিচাপে লৈ আসামত প্ৰৱজিত শ্ৰেণীটোয়ে নিজৰ প্ৰভুত্বগিৰি ভুমিপুত্ৰ জনজাতিৰ ওপৰত জাপিব বিচাৰিছিল ৷ সেয়ে বৃটিছ গভৰ্ণৰে কৈ উঠিছিল, "অসমীয়া মানুহৰ জনজাতীয় মানুহৰ প্ৰতি তিলমানো বাস্তৱিক সহানুভুতি নাই ৷"

অসমীয়া জাতীয়তাবদৰ জনক আনন্দৰাম ঢেকীয়াল ফুকনে ১৮৪৯ চনতে লিখি গৈছে যে, "অসম দেসৰ লোক প্ৰায়েই হিন্দু আৰু অনেকে বামুনীয়া আৰু মহাপুৰুষীয়া নামে দুই বৈষ্ণৱ মতেৰে চলে এবং মুষলমানো কিছু আচে, কচাৰি, লালুং, মিকিৰ, নামে কেতবোৰ জাতি আচে ৷ সিহঁত হিন্দু নহ'য়, আৰু অসভ্য ৷"

এজন শিক্ষিত, বৃটিছ প্ৰশাসনৰ চাকৰিয়ালে সেই তেতিয়াই আসামৰ জনজাতি বিদ্বেষী ভাৱৰে নিজৰ পূৰ্বপুৰুষক ভৱিষ্যত পৰ্যন্ত জনজাতিৰ অস্তিত্বৰ ধ্বংস কৰিবলৈ সাৰ-পানী যোগান ধৰি গৈছে ৷ এইজনৰ মহান উদ্দেশ্যৰ কথা সৰোগত কৰিয়ে অসম ছাত্ৰ সন্থা নামৰ অসমীয়া জাতিৰ ঠিকা লোৱা সংগঠনে এটা শতিকাৰ পাছত অৰ্থাৎ ১৯৭৯ চনত জনজাতি বিদ্বেষৰে আৰম্ভ কৰে "প্ৰৱজনকাৰী অস্তিত্ব আন্দোলন", যাক পাছত নাম দিয়া হ'য় "অসম আন্দোলন" ৷

অসম আন্দোলনৰ নেতিত্বকাৰীয়ে ১৯৭১ চনৰ জুলাইত আসামৰ মুখ্যমন্ত্ৰী গোলাপ বৰবৰা ওচৰত দাখিল কৰা স্মাৰকপত্ৰৰ প্ৰথম দাবীটোয়েই আছিল "আসামৰ অনুসূচিত জাতি আৰু জনজাতিৰ সাংবিধানিক বিশেষ সুবিধা বন্ধ কৰিব লাগে ৷" অৰ্থাৎ অসমীয়া ছাত্ৰ সন্থাই অনুসূচিত জাতি আৰু জনজাতিৰ সাংবিধানিক সংৰক্ষণ ব্যৱস্থা বন্ধ কৰাৰ দাবীৰে আসামৰ জনজাতীয় মানুহৰ সাংবিধানিক অধিকাৰ কাঢ়িব বিচাৰে ৷ সত্তৰ দশকতে অসম ছাত্ৰ সন্থাই জনজাতি মানুহক নিজৰ ঘৰতে অধিকাৰহীন কৰি অসমীয়াৰ গোলাম কৰিব লোৱাটো সাধাৰণ কথা নহ'য় ৷ সেই তেতিয়াৰে জনজাতি বিদ্বেষী আছুৰ নেতৃত্বই পৰৱৰ্তী পৰ্যায়ত ৰাজনৈতিক নেতা হৈ আসাম চৰকাৰৰ মন্ত্ৰি-বিধায়ক হৈ জনজাতিৰ ওপৰত চৰকাৰী মোহৰৰে পাশৱিক অত্যাচাৰ, অন্যায় আৰু শোষণ কৰা অনেক উদাহৰণ আছে ৷

বৃটিছৰ ঔৰসত অসমীয়া জাতিয়তাবাদ সৃষ্টি হোৱা সময়ছোৱক কোনো কোনোয়ে "অৰুণোদয়" আৰু "জোনাকী" যুগ বুলি অভিহিত কৰে ৷ প্ৰকৃততে সেই সময় কোনো জোনাকী যুগ নতুবা অৰুণোদয় যুগ নাছিল ৷ তাৰ পৰিৱৰ্তে আসামত জনজাতীয় ভাষা আৰু সংস্কৃতিক কায়িক ধ্বংস কৰিবলৈ প্ৰৱজিত অসমীয়াই সৃষ্টি কৰিছিল আৰ্য সংস্কৃত অসমীয়া ভাষা প্ৰসাৰ আৰু প্ৰচাৰৰ সু-পৰিকল্পনা ৷ যি ভাষাৰ কাৰণে এতিয়া সাংবিধানিক কৰিবলৈ অসম চুক্তিৰে দাবী জনাইছে ৷

অসমৰ নগাঁও জিলাৰ ফুলগুৰিত ১৮৬১ চনত সংঘটিত কৃষক বিদ্ৰোহক বুৰঞ্জীৰ পাতত ‘ফুলগুৰি ধেৱা’ নামে জনা যায় ৷ এই বিদ্ৰোহ প্ৰধানকৈ আসামৰ কৃষিজিৱী জনজাতি লালুং(তিৱা) সকলে বৃটিছৰ শোষণ নীতিৰ বিৰুদ্ধে কৰা বিদ্ৰোহ আছিল ৷ জনজাতীয় এই কৃষক বিদ্ৰোহক অসমীয়া জাতীয়তাবাদী শ্ৰেণীৰ প্ৰতিনিধি আৰু ব্যপ্তিষ্ট মিছনেৰী সকলৰ দ্বাৰা প্ৰকাশিত প্ৰথমখন অসমীয়া কাকত ‘অৰুণোদয়ে" বৃটিছ আৰু উচ্চ বৰ্ণ অসমীয়াক সমৰ্থন কৰিবলৈ গৈ সেই সময়ত কৃষক বিদ্ৰোহটোক বিকৃত ব্যাখ্যাৰে "কানিয়াৰ বিদ্ৰোহ" নাম দিছিল ৷ বৃটিছৰ বিৰুদ্ধে জনজাতীয় কৃষকে কৰা বিদ্ৰোহটোক প্ৰায় ২৪ টা বছৰৰ পাছত জনজাতীয় কৃষকক অতি চতুৰতাৰে আসামৰ শত্ৰু অভিহিত কৰিছিল গুণাভিৰাম বৰুৱাই ৷ ১৮৮৫ চনত গুনাভিৰাম বৰুৱাই নিজে সম্পাদনা কৰা "আসাম বন্ধু"ত লিখিছিল যে, "আসামৰ বন্ধু অনেক; অনেকে অনেক প্ৰকাৰে আসামৰ হিত সাধন কৰিছে ৷ কোনো ৰজাঘৰৰ বিষয়া হই প্ৰজাৰ সুশাসনৰ নিমিত্তে সদায় উদ্যোগী ৷ কোনোএবা পুথিপাঁজি লেখি দুখীয়া মাতৃভাষাৰ উন্নতি সাধিব লাগিব লাগিছে ৷ কোনোএ বা মধ্যস্থ হৈ প্ৰজাৰ দুখ বিৱৰণ ৰাজাৰ আগত সহস্ৰমুখে ক'ব লাগিছে ৷ এইবিলাকেই বাস্তৱিক আসামৰ বন্ধু ৷" কথা হ'ল, সাম্ৰজ্যবাদী বৃটিছ শোষণৰ বিৰুদ্ধে জনজাতীয় কৃষকে মাৰ বান্ধি কৰা বিদ্ৰোটোয়ে সেই সময়ৰ অসমীয়াৰ জাতীয়তাবাদী ভাষিক শ্ৰেণীৰ কাৰণে "কানিয়া বিদ্ৰোহ" আৰু জনজাতীয় কৃষক সকল প্ৰকৃততে "আসাম বন্ধু" নাছিল ৷

বৃটিছৰ দিনতে আসামৰ জনজাতীয় মানুহক "ইতৰ" জ্ঞান কৰা ভাষিক অসমীয়া শ্ৰেণীয়ে নিজকে সু-সভ্য, সু- সংস্কৃত শ্ৰেণী হিচাপে গঢ়ি তোলাৰ প্ৰয়োজনতে নতুন সাহিত্য, ভাষা সৃষ্টিত মনোযোগ দিওঁতে আসামৰ জনজাতীয় ভাষা আৰু সংস্কৃতিক দূৰতে বিদুৰ কৰিছিল ৷ বৃটিছৰ প্ৰশাসনত চামিল হৈ নিজকে উচ্চ শিক্ষিত গৌৰৱ কৰা অসমীয়া শ্ৰেণীটোয়ে নিজৰ আৰ্য সংস্কৃতৰে গঢ়ৰ দিয়া অসমীয়া ভাষা আৰু সংস্কৃতিক জনজাতীয় ভাষা আৰু সংস্কৃতিয়ে তল পেলাব নোৱাৰে যাতে তাৰ প্ৰতি সদা সচেতন আৰু কৌশলী আছিল ৷ সেয়ে "জোনাকী"ৰ দৰে অসমীয়া কাকত(পথম ভাগ, পঞ্চম সংখ্যা)ত কমলাকান্ত ভট্টাচাৰ্যই লিখিছিল যে, "সভ্যতম ইংৰাজ গৱৰ্ণমেন্টৰ অধিনতালৈ অহাৰ আগেয়ে আসামত অৰ্ধসভ্য ছুটীয়া, আহোম প্ৰভৃতিয়ে ৰাজত্ব কৰছিল ৷ সেই সময়েই আসামৰ এন্ধাৰৰ কাল আছিল ৷ ইংৰাজ গৱৰ্ণমেন্টৰ শাসনৰ অধীন হোৱাৰ পৰা অসমীয়া মানুহে যি অলপ পোহৰ পাইছে তাৰ দ্বাৰাই নিজত ক'ত ক'ত ঘূণ আছে সেইবিলাক দেখা পাইছে, … দয়ালু ইংৰাজ গৱৰ্ণমেন্টে আমাৰ উন্নতিৰ অৰ্থে পঢ়াশালি পাতি দিছে… ৷" এইজন জোনাকীৰ আৰু এঠাই লিখিছে যে, "অসমীয়া মানুহে নিজে আৰ্যজাতি বুলি জানি, সেই আৰ্যজাতিৰ গৌৰৱ ৰক্ষা কৰিবলৈ যত্ন নকৰে মানে নিজৰ উন্নতি সাধিব নোৱাৰে ৷"

ইতিহাসৰ পাতত ভাষিক অসমীয়া শ্ৰেণীৰ আৰম্ভনিতে আসামৰ জনজাতীয় বিদ্বেষৰ কূত-কৌশল সম্বন্ধে থকা চৰম সত্যক কোনো কালে ঢাকিব পৰা নাযায় ৷ স্বাধীনতাৰ পৰৱৰ্তী কালত অসমীয়াৰ সাংবিধানিক ৰক্ষা কবচ "অসম চুক্তি" কেতিয়াও, কোনো যুক্তিতে আসামৰ মুলভুত জনজাতীয় মানুহৰ সপক্ষে নাই; বিপৰিতে অসম চুক্তিয়ে কেতবোৰ জনজাতীয় মানুহৰ সাংবিধানিক ৰক্ষাকবচ ক্ষিপ্ৰতাৰে ধ্বংসহে কৰি আহিছে ৷ ভাষিক অসমীয়াৰ উচ্চ বৰ্ণ সম্প্ৰদায়ে পৰিচালিত কৰা অসম আন্দোনৰ ৫ নং দফা "বিদেশী নাগৰিক চিনাক্তকৰণ" আৰু ১০ নং দফাই আসামৰ জনজাতীয় মানুহৰ ওপৰত থকা সাংবিধানিক অধিকাৰত চৰম কুঠাৰঘাত কৰিছে ৷

চুক্তিখনৰ ৫.১ নং দফাত বিদেশী নাগৰিকসকলৰ চিনাক্তকৰণ তথা বহিস্কাৰৰ বাবে ১৯৬৬ চন(বৰ্তমান ১৯৭১ চনক ভিত্তি বৰ্ষ ধৰা হ'য়)ৰ পহিলা জানুৱাৰীৰ দিনটোক ভিত্তি বৰ্ষ হিচাপে গ্ৰহণ কৰিবলৈ কোৱাটো আসাম নালাগে, ভাৰতৰ কাৰণে মুঠেও গ্ৰহণযোগ্য নহ'য় ৷ এই দফাটোয়ে ভাৰতীয় সংবিধানৰ নাগৰিকত্ব আইন ১৯৫৫ ক পোনচাতেই আঘাত কৰিছে ৷ অৰ্থাৎ দফাটোয়ে ভাৰতীয় সংবিধানিক প্ৰদত্তক আঘাত কৰি দেশদ্ৰোহিতাৰে পূৱ পাকিস্থানৰ পৰা অবৈধ হাৰত অহা বাংলাদেশী নাগৰিকক আসমাৰ মাটিত সংস্থাপনৰ বাট মুক্ত কৰি দিছে ৷ এই দফাটোয়ে ভাৰতীয় নাগৰিকৰ নিৰাপত্তা বিঘ্নত কৰাৰ লগতে দেশৰ সাৰ্বভৌমত্বৰ প্ৰতি চৰম ভাবুকি ৷

আসামত যিহেতু অসম আন্দোলনৰ মুখিয়াল, উচ্চ বৰ্ণ প্ৰফুল্ল মহন্তই আন্দোলন নেতৃত্ব দিয়াৰ পাছত নিজেই মুখ্যমন্ত্ৰি হৈ অসম চুক্তিৰ দফা নং ৫ টো কাৰ্যকৰী কৰা নাছিল ৷ মহন্ত মুখ্যমন্ত্ৰি হোৱাৰ বহু পূৰ্ৱে আসামত ছাৰ ছাদুল্লা আৰু গোপীনাথ বৰদলৈয়ে "আসাম ভুমি ৰাজহ আইন ১৮৮৬" থকাৰ পাছতো হিন্দু-মুছলীম উভয় বাংলাদেশীক আসমত শৰনাৰ্থী হিচাপে আনি ভাৰতীয় নাগৰিকত্ব প্ৰদান কৰি পাছত জনজাতীয় ট্ৰাইবেল মাটি বেদখল কৰি বহুৱায় ৷ এই দুজনাৰ কামকে অসম আন্দোলনৰ নেতা প্ৰফুল্ল মহন্তই পুনৰ দুহাৰে ৷ মুখ্যমন্ত্ৰিৰ আসনত বহি মহন্তই নিজে চুক্তি কৰা অসম চুক্তিৰ ৫ নম্বৰ দফা কাৰ্যকৰী নকৰি ওলটাই জনজাতীয় ট্ৰাইবেল্টৰ মাটি দখলৰে অধিক হাৰত বাংলাদেশী প্ৰৱজনকাৰীক বহুৱাবলৈ ধৰে ৷ যৰ ফলত অধিকাংশ প্ৰৱজনকাৰীয়েই এতিয়া "অসমীয়া" স্বকৃতি পাইছে ৷

অসম চুক্তি অনুসৰি আসামত বিদেশী নাগৰিক চিনাক্তকৰণৰ ভিত্তিবৰ্ষ হিচাপে ১৯৫১ চনৰ সলনি ১৯৭১ চনক মানি লৈ অনআৰচিৰ কামকাজ আগবঢ়োৱা হ'ল ৷ ১৯৫১-৭১ চনৰ মাজৰ ২০ টা বছৰত অসমলৈ প্ৰৱজন কৰা অবৈধ বিদেশী মানুহখিনিক ভাষিক অসমীয়াই নিজৰ সুবিধানুসৰি ৰাজনৈতিক শক্তিত প্ৰয়োগ কৰিবলৈ ইতিমধ্যে তেওঁলোকক "ন-অসমীয়া" হিচাপে স্বকৃতি দিলে ৷ সন্দেহজনক বিদেশী হিচাপে ধৰা "ন-অসমীয়া" মানুহখিনি ভাষিক অসমীয়া শ্ৰেণীৰ ন-সদস্য হোৱাৰ সুবাদত আসামৰ জনজাতীয় ভুমি অবৈধভাৱে দখল কৰিবলৈ মুক্ত অনুজ্ঞাপত্ৰ স্বয়ং অসমীয়াই নিজ হাতে প্ৰদান কৰে ৷ এই ন-অসমীয়া মানুহখিনিৰ আক্ৰমণাত্মক স্বভাৱে আসমাত প্ৰতিদিনে সামাজিক ব্যাধি আৰু শান্তি-শৃংখলা অৱনতি ঘটাই আহিছে ৷

ভাষিক অসমীয়াই আসামৰ জনজাতীয় মানুহৰ সাংবিধানিক ৰক্ষাকবচ অত দিনে ভাঙিব নোৱাৰিছিল যদিও অৱশেষত বেদেশী নাগৰিকৰে গঠিত "ন-অসমীয়া"ৰ দ্বাৰা জনজাতীয় সংৰক্ষিত ভুমি বেদখল কৰোৱাত জনজাতীয় মানুহৰ ভাষা, সংস্কৃতি, সামাজিক জীৱন-প্ৰণালী, জনজাতীয় মানুহৰ জীৱন আৰু নিৰাপত্তাৰ ক্ষেত্ৰত চৰম ভাবুকি দেখা দিছে ৷ অসমীয়াৰ অবৈধ বিদেশী "ন-সদস্য" এতিয়া আসামৰ বড়ো আৰু অন্য জনজাতীয় মানুহৰ অস্তিত্বৰ প্ৰধান ভাবুকি ৷

ভাষিক অসমীয়াই "ন-অসমীয়া" পৰিচয়ৰে অতিথি সদস্য কৰি লোৱা অবৈধ বিদেশীক নিজৰ ঠাইৰ সলনি জনজাতীয় সংৰক্ষিত ভুমিত কৌশলৰে সংস্থাপিত কৰি জনজাতীয় আত্মপৰিচয়ৰ সকলো স্তৰতে আক্ৰমণৰ লক্ষ্য কৰি লৈছে ৷ যাতে ভাষিক অসমীয়াই নিজৰ আৰ্য সংস্কৃত ভাষা আৰু সাহিত্য জনজাতীয় লোকৰ ওপৰত জাপিব পাৰে ৷ আটৈইতকৈ ডাঙৰ কথাটো হ'ল, ভাষিক অসমীয়াই "ন-অসমীয়া" নামৰ বিদেশী নাগৰিকৰ দ্বাৰা আসামৰ জনজাতীয় মানুহৰ সাংবিধানিক অধিকাৰত কৰা প্ৰহাৰ ৷ আসামৰ জনজাতীয় মানুহৰ সাংবিধানিক অধিকাৰ বলপূৰ্বক কাঢ়ি লোৱাৰ উদেশ্যই হ'ল অসম চক্তি ৷

অসম চুক্তিৰ ৬ নং দফাত থকা "Assamese" শব্দটোয়ে কেৱল উচ্চ বৰ্ণ ভাষিক শ্ৰেণীক বুজাইছে ৷ অসমীয়া শব্দৰে আসামৰ মুলভুত আৰ্যভিন্ন কোনো জনজাতীয় মানুহক বুজুৱা হোৱা নাই ৷ আসামৰ ঐতিহাসিক আৰু ইতিহাসে আৰ্য আৰু অন্যান্য কিছু জাতি, সম্প্ৰদায় আৰু ভাষিক লোকক আসামৰ প্ৰকৃত বাসিন্দা হিচাপে স্বকৃতি দিয়া নাই ৷ আসামত আহি বসতি স্থাপন কৰা ব্ৰাহ্মণ আৰু কায়স্থ, আহোম, চাহ শ্ৰমিক, হিন্দু-মুছলিম উভয় বাংলাদেশী সম্প্ৰদায়, হিন্দীভাষি সম্প্ৰদায়, নেপালী(নেপালীৰ আৰ্য অংশটো) সম্প্ৰদায় ইত্যাদি সকল ঐতিহাসিক আৰু ইতিহাসৰ দৃষ্টিত বহিৰাগত তথা প্ৰৱজিত লোক ৷ তেওঁলোক আসামৰ আদিম অধিবাসী নহ'য়, প্ৰৱজিত লোক হে ৷ তাহানিৰ প্ৰৱজিত লোকক সকলক সাঙুৰিহে আসামত চুক্তিত "Assamese" শব্দক বুজুৱা হৈছে ৷ বিপৰীতে আসামত অনাদি কালৰে পৰা বসবাস কৰা বড়ো, কাৰ্বি, মিছিং, কোঁচ, ৰাভা, ডিমাছা, তিৱা, গোৰ্খা, কছাৰী আদি সকল নিজৰ স্বকীয় জীৱন শৈলী, ভাষাগত ভাৱে, স্বকীয় সংস্কৃতিৰে অসমীয়া নহয় ৷ তেওঁলোক এই ভু-খণ্ডৰ খিলঞ্জীয়া আৰু নিজস্ব জাতীয় জীৱনৰ একো একোটা সুকীয়া আত্মপৰিচয় আছে ৷

"অসমীয়া" শব্দৰে শোষক বৰ্ণক ঢাকি ৰাখিব বিচৰা "অসম চুক্তি" খন তেতিয়াহে আসমাৰ ভুমিপুত্ৰ জনজাতিয়ে অন্তকৰণৰে মানি লোৱা উচিত যদিহে চুক্তিৰ ৬নং দফাত উল্লেখ থকা "অসমীয়া" শব্দটো সম্পূৰ্ণ প্ৰত্যাহাৰ কৰি লবলৈ মান্তি হ'য় ৷ দ্বিতীয়তে, ট্ৰাইবেল্ট বেল্ট-ব্লকৰ ভিতৰত অবৈধ ভাৱে বসবাস কৰা লোক সকলক অসম ভুমি ৰাজহ আইন ১৮৮৬ৰ দফা মতেই বহিষ্কাক কৰা হওঁক আৰু তৃতীয়তে, ভাৰতীয় সংবিধানৰ নাগৰিকত্ব আইন ১৯৫৫ ৰ অনুসৰী ৰাষ্ট্ৰীয় নাগৰিক পঞ্জীত নাগৰিকৰ শেষ সময় সীমা অৰ্থাৎ বিদেশী নাগৰিকৰ ভিত্তিবৰ্ষ ১৯৭১ চনৰ ঠাই ১৯৫১ কৰা হওঁক ৷ এই তিনিটা চৰ্ত প্ৰৱজিত ভাষিক অসমীয়াই বিনা দ্বিধাই মানি ললেহে আসামৰ ভুমিপুত্ৰ বড়ো আৰি অন্যান্য জনজাতি জনগণই অসম চুক্তিক সমৰ্থন কৰা উচিত ৷ অন্যথা এই চুক্তিয়ে ভুমিপুত্ৰ জনজাতিৰ সাংবিধানিক অধিকাৰ কাঢ়ি লৈ কেৱল ভাষিক অসমীয়া শ্ৰেণীক নিজৰ স্বাৰ্থ পূৰণ কৰাত সুবিধা কৰিব ৷
৩৫এ নং অনুচ্ছেদ

★ ১৯৫৪ চনত ৰাষ্ট্ৰপতিৰ আদেশৰ দ্বাৰা সংবিধানত জম্মু-কাশ্মীৰক বিশেষ ৰাজ্যৰ মৰ্যদা ৷

★ অনুচ্ছেদ ৩৫এ ৰ দ্বাৰা স্থানীয় নিবাসীৰ সুকীয়া পৰিচয় ৷

★ জম্মু-কাশ্মীৰৰ বাহিৰৰ লোকে স্থানীয় লোকৰ মাটি-সম্পত্তি কিনা-বেচা ক্ষেত্ৰত নাই কোনো অধিকাৰ ৷

★ জম্মু-কাশ্মীৰৰ বাহিৰৰ লোকে ইয়াৰ চৰকাৰী প্ৰশাসনত কোনোধৰণৰ চৰকাৰী চাকৰি কৰিব নোৱাৰিব ৷

35A অনুচ্ছেদৰ লগত জড়িত কিছু কথাঃ

☞ সংবিধানৰ ৩৫এ এনে এটা অনুচ্ছেদ য'ত জম্মু-কাশ্মীৰৰ বিধানসভাই নিজৰ ৰাজ্যবাসীক নিজৰ ৰাজ্যৰ স্থায়ী বাসিন্দাৰ সংজ্ঞা প্ৰদান কৰা ক্ষমতা লাভ কৰিছে ৷

☞ ১৯৫৪ চনৰ ১৪ মে'ত ৰাষ্ট্ৰপতি ড° ৰাজেন্দ্ৰ প্ৰসাদে তেওঁৰ এক আদেশানুসাৰে জম্মু-কাশ্মীৰৰ কাৰণে ৩৫এ অনুচ্ছেদ সংযোজন কৰে ৷ এই অধিকাৰ সংবিধানৰ ৩৭০ নং অনুচ্ছেদৰ দ্বাৰা জম্মু-কাশ্মীৰক প্ৰদান কৰা হ'য় ৷

☞ ১৯৫৬ চনত জম্মু-কাশ্মীৰৰ নিজা সংবিধান বনোৱা হ'য়, য'ত নিজা স্থায়ী নাগৰিকক এক সুকীয়া সংজ্ঞা প্ৰদান কৰিব পাৰে ৷

☞ জম্মু-কাশ্মীৰৰ নিজা সংবিধানে ১৯৫৪ চনৰ ১৪ মে' তাৰিখৰ আগত জম্মু-কাশ্মীৰত বসবাস কৰা ব্যক্তিকহে তাৰ স্থায়ী নাগৰিকত্ব প্ৰদান কৰিছে ৷

☞ ২০১৪ চনত এটা বে-চৰকাৰী সংস্থা(NGO)ই দেশৰ চুপ্ৰীম কৰ্টত এক আৰ্জি দাখিল কৰি ৩৫এ উঠাই লবলৈ আহ্বান জনায় ৷ ইয়াৰ পাছতে বিষয়টো চুপ্ৰীম কৰ্টত বিচাৰধীন হৈ পৰি আছে ৷